വിശാലമായ നടുമുറ്റത്തിൻറെ മേലാപ്പിലൂടെ കടന്നു വരുന്ന സൂര്യപ്രകാശം വീടിനുള്ളിലാകെ വെളിച്ചം നിറക്കുന്നു.വിവിധ ആവശ്യങ്ങൾക്കായ് ഉപകരിക്കും വിധമാണ് ഈ ഓപ്പൺ കോർട്യാർഡിൻറെ ചുറ്റിനുമുള്ള
ഇടങ്ങളെല്ലാം. ഫാമിലി ലിവിങ്,ഡൈനിങ്ങ് തുടങ്ങിയ സൗകര്യങ്ങളും ഇതിനു ചുറ്റിനും തന്നെ.
നടുമുറ്റത്തിന് ചുറ്റിനുമായി കരിങ്കല്ലും ബ്രിക്കുകളും ഉപയോഗിച്ച് തീർത്തിട്ടുള്ള ആർച്ച് ഡിസൈനുകൾക്ക് ഏറേ പ്രാധാന്യമുണ്ട്.കോർട്യാർഡിൻറെ നിലത്തു വിരിച്ചിട്ടുള്ള ഒരേ ഡിസൈൻ പാറ്റേണിലുള്ള കല്ലുകൾ ശ്രദ്ധയേമാകുന്നു.പ്രാദേശികമായി അരകല്ലും അമ്മിക്കല്ലും ഉരലും എല്ലാം കൊത്തിയുണ്ടാക്കുന്ന ഒരു യൂണിറ്റ് സൈറ്റിനു സമീപം ഉണ്ടായിരുന്നു.
അവിടുത്തെ പണികൾക്കിടെ ഒരേ പാറ്റേണിലുള്ള കല്ലുകൾ വരിക പതിവായിരുന്നു അരകല്ലും അമ്മിക്കല്ലുമൊക്കെ ഷേപ്പ് ആക്കിയെടുക്കുന്നതിൻറെ ഭാഗമായി മിച്ചം വരുന്ന വേസ്റ്റ് കല്ലുകൾ ആയിരുന്നു ഇതെല്ലാം.അത് ശേഖരിച്ചു നടുമുറ്റത്ത് വിരിക്കുകയായിരുന്നു.
റൂഫിലെ സുതാര്യമായ മേൽക്കൂര സുരക്ഷിതത്വത്തിന് പ്രാധാന്യം നൽകിയുള്ളതാണ്.മഞ്ഞും മഴയും വെയിലുമെല്ലാം വീടിനുള്ളിരുന്നു ആവോളം ആസ്വദിക്കുവാൻ കഴിയുന്ന വെളിച്ചം നിറഞ്ഞ ഇടം.
പ്രൊജക്റ്റ് ഡിസൈൻ
Er .ശ്രീനിവാസൻ
വാസ്‌തുകം ഓർഗാനിക് ആർക്കിടെക്ചർ
തൃശൂർ